კრიშტიანუ რონალდუს მძიმე პერიოდი უდგას, პორტუგალიელ ვარსკვლავს უკვე ყველა მხრიდან უტევენ და აკრიტიკებენ.

მიზეზი რონალდუს ბოლო დროინდელი ინტერვიუა, სადაც მან "მანჩესტერ იუნაიტედის" მფლობელები, ბორდი, მწვრთნელები და ყოფილი მოთამაშეები გააკრიტიკა.

შემდეგ, გავრცელდა ვიდეოები, თუ რა ცივად ეპყრობიან ბრუნო ფერნანდეში და ჟოაუ კანსელუ პორტუგალიის ნაკრების შეკრებაზე კაპიტანს.

ეს მიდგომა ბერნარდუ სილვამ შეცვალა, რომლის თქმითაც, ის კატარის მსოფლიო ჩემპიონატზე კრიშტიანუს გამო აპირებს ბრძოლას.

"პირადად მე, საკუთარ თავზე მეტად კრიშტიანუსთვის ვითამაშებ და ვიბრძოლებ. ყველაფერს გავაკეთებ, რომ მისთვის ეს მუნდიალი განსაკუთრებული გამოდგეს", - ამბობს სილვა.