ჟირუ: "მაგალითს იბრაჰიმოვიჩისგან ვიღებ" » SPORTLIGA.GE - მსოფლიო სპორტი
ჟირუ: "მაგალითს იბრაჰიმოვიჩისგან ვიღებ"

ჟირუ: "მაგალითს იბრაჰიმოვიჩისგან ვიღებ"

ახალი ამბები / ფეხბურთი
12-10-2021, 01:23

ზლატან იბრაჰიმოვიჩი „მილანში“, რომ მისაბაძი მაგალითია ეს ახალი არავისთვის არის. „მილანის“ ახალწვეული ოლივიე ჟირუ Football Italia-სთან საუბრისას შვედ თავდამსხმელზე აკეთებს აქცენტს და საქებარ სიტყვებს არ იშურებს.

რა თქვა ჟირუმ?
 „სერია ა-ში და კონკრეტულად „მილანში“ თამაშით ვამაყობ. ეს არის ლიგა, რომელსაც ბავშვობაში მუდმივად ვუყურებდი. სიამაყის მიზეზს ისიც მაძლევს, რომ ჩემი კუმირი შევჩენკო იყო და ახლა მე მის კლუბში ვთამაშობ. გამიმართლა, რომ აქ ყოფნის შესაძლებლობა მომეცა. ჩემი ორივე ბებია იტალიელია და ჩემი წარმომავლობით ვამაყობ.

 იბრაჰიმოვიჩის წინააღმდეგ ადრე რამდენჯერმე ვითამაშე. ის ახლა 40 წლის არის და კვლავ საუკეთესო ფორმაშია. თითქოს ის არასდროს ბერდება. ზლატანი საკუთარ სხეულს საოცრად უვლის და მაგალითს მისგან ვიღებ.  ვფიქრობ, ის ახალგაზრდა ფეხბურთელისთვის ინსპირაციის წყაროა. იბრას გვერდზე ვარჯიშით და თამაშით ვტკბები.“

 ჟირუ „მილანში“
ფრანგი თავდამსხმელი „როსონერის“ მიმდინარე სეზონის დაწყების წინ „ჩელსიდან“ შეუერთდა. ვეტერანი თავდამსხმელი „მილანს“ შესანიშნავად მოერგო. ამ პერიოდის განმავლობაში ოლივიემ ყველა ტურნირზე ერთად 5 მატჩში მიიღო მონაწილეობა და 2 გოლი გაიტანა.

კომენტარები
ისევ საუკეთესო - მბაპემ იბრაჰიმოვიჩის შედეგი გააუმჯობესა
ისევ საუკეთესო - მბაპემ იბრაჰიმოვიჩის შედეგი...
25-09-2021, 10:13
Прокомментировать
კოდის განახლება
лучший сайт где можно скачать шаблоны для dle 12.0 бесплатно