ბრაზილიის ნაკრები მსოფლიოს ჩემპიონატს 1/4-ფინალში ხორვატიის ნაკრებთან მარცხით გამოეთიშა.

თამაშის შემდეგ ძალიან დამწუხრებული იყო ნეიმარი, რომელმაც ცრემლები ვერ შეიკავა და თქვა, რომ ეს მარცხი დიდი ხნის განმავლობაში ემახსოვრება.

"მეჩვენება, რომ ეს ყველაფერი კოშმარია, არ მჯერა, რაც მოხდა", - თქვა ნეიმარმა ხორვატიასთან მატჩის შემდეგ.

"ძალიან სამწუხაროა, დიდი ხნის განმავლობაში მტკივნეული მარცხი იქნება. ოცნებას მივდევდით, მაგრამ სამწუხაროდ მისი ასრულება ვერ შევძელით. ეს ფეხბურთში და ცხოვრებაში ხდება. მინდა, მადლობა გადავუხადო ბრაზილიელ ხალხს იმ სიყვარულისა და მხარდაჭერისთვის, რომელიც გამოავლინეს", - აღნიშნა ნეიმარმა.