იუნაიტედმა“ კრიშტიანუ რონალდუსთან კონტრაქტის გაწყვეტა ოფიციალურად დაადასტურა.

„წითელი ეშმაკების“ ოფიციალურმა ვებ-გვერდმა პორტუგალიელთან განშორება ახლახანს დაადასტურა.

ეს იმას ნიშნავს, რომ რონალდუს იანვარში ნებისმიერ გუნდში თავისუფალი აგენტის სტატუსით შეუძლია გადასვლა.

„კრიშტიანუ რონალდუ „მანჩესტერ იუნაიტედს“ ურთიერთშეთანხმების საფუძველზე, დაუყონებლივ დატოვებს.

კლუბი მადლობას უხდის მას „ოლდ ტრაფორდზე“ ორჯერ გატარებული პერიოდისთვის.“ - წერია „იუნაიტედის“ განცხადებაში.

მოვლენათა ასეთი განვითარება პორტუგალიელის სკანდალურმა ინტერვიუმ გამოიწვია, რომელიც ფეხბურთელმა ჟურნალისტ პირს მორგანთან ჩაწერა. მისი წაკითხვა ჩვენს საიტზეც შეგიძლიათ.