ბასილაშვილი Citi Open-ზე ითამაშებს

ახალი ამბები / ჩოგბურთი

17-07-2020, 13:36

საქართველოს ნომერ პირველი ჩოგანი ნიკოლოზ ბასილაშვილი ვაშინგტონში გასამართ ტურნირში იასპარეზებს, რომლის სახელწოდებაცაა Citi Open 2020.
ტურნირი 14-დან 21 აგვისტოს ჩათვლით ჩატარდება და მისი საპრიზო ფონდი 1 953 285 დოლარია.

ჩოგბურთში ოფიციალური მატჩები მიმდინარე წლის მარტის მერე არ გამართულა და კორონავირუსის პანდემიით გამოწვეული პაუზის შემდეგ, Citi Open 2020 ATP-ს მიერ ორგანიზებული პირველი შეჯიბრია.

28 წლის ბასილაშვილი ამჟამად რეიტინგში 27-ე ადგილზეა და ის ტურნირის წინასწარ განაცხადში მოხვდა.

ვაშინგტონში საერთო ჯამში 48 ჩოგბურთელი იასპარეზებს. 38 მოთამაშე ძირითად ბადეშია და მათ შორის ქართველი სპორსტმენიცაა.

ბასილაშვილს შარშან Citi Open-ზე არ უთამაშია. მაშინ, ტურნირი ავსტრალიელმა ნიკ კირგიოსმა მოიგო, რომელმაც ფინალში დანილ მედვედევს 7:6, 7:6 სძლია.